Prinsad
സിദ്ധാര്ത്ഥ വരദരാജന്
ഇന്ത്യന് പത്രമാധ്യമങ്ങളുടെ ന്യൂനപക്ഷ സമീപനത്തെക്കുറിച്ച് വിശകലനം ചെയ്യുമ്പോള് വിശാലമായ രണ്ട് മേഖലകളെക്കുറിച്ചാണ് അതില് പ്രധാനമായും വിശദീകരിക്കേണ്ടിവരിക. ഒന്ന്, പത്ര, ടെലിവിഷന്, ഇലക്ട്രോണിക് മാധ്യമങ്ങള് -ന്യൂനപക്ഷങ്ങളുടെ വിഷയങ്ങള്ക്ക് നല്കുന്ന കവറേജ്, അവ ഏത് തരത്തിലുള്ളതാണ് എന്നതും ഇന്ത്യന് മുസ്ലിം ന്യൂനപക്ഷത്തെക്കുറിച്ച് പൊതുസമൂഹത്തില് തെറ്റായ കാഴ്ചപ്പാടുണ്ടാക്കുന്നതില് അത് എപ്രകാരം കാരണമാവുന്നു, സമുദായങ്ങള് തമ്മിലുള്ള ബന്ധങ്ങളില് അത് എങ്ങനെ വിഷം കുത്തിവെക്കുന്നു (പ്രത്യേകിച്ച് ഹിന്ദു-മുസ്ലിം വിഭാഗങ്ങള്ക്കിടയില്), ഇന്ത്യന് രാഷ്ട്രീയ സംവാദത്തിന്റെ നിലവാരം താഴ്ത്തിക്കളയുന്ന സംവിധാനമായി അത് എങ്ങനെ മാറുന്നു, ജനാധിപത്യ രാഷ്ട്രീയത്തിന്റെ ധര്മങ്ങളെ വിസ്മരിക്കാന് രാഷ്ട്രീയ പാര്ട്ടികളെയും നേതൃത്വത്തെയും അത് എങ്ങനെ സഹായിക്കുന്നു തുടങ്ങിയ കാര്യങ്ങളാണ്. രണ്ട്, മുസ്ലിം പ്രാതിനിധ്യം, തൊഴിലവസരങ്ങളിലെ വൈവിധ്യം, മാധ്യമങ്ങളിലെ മുസ്ലിം സാന്നിധ്യം എന്നിവ.
Posted in: 
